Aðildarviðræður næsta mál

Meirihluti þjóðarinar vill aðildarviðræður við Evrópusambandið. Evrópumálin voru helsta kosningamál Samfylkingarinnar og það kemur ekki til greina að hvika frá þeim. Forystumenn VG hafa sagt að þeir muni ekki standa gegn þjóðaratkvæðagreiðslu um ESB. Þjóðin á að eiga síðasta orðið í þessum efnum og það á ekki að vera valkostur að einhverjir sjálfskipaðir sérfræðingar taki þann lýðræðislega rétt af henni. Ef við ætlum að ná efnahagslegum stöðugleika aftur er ljóst að við þurfum aðra mynt og þá kemur einhliða upptaka ekki til greina. Aðildarviðræður og innganga í Evrópusambandið er næsta mál á dagskrá.

Stjórnarsáttmáli í smíðum

Athugasemdir

[Marteinn Unnar Heiðarsson, 2.5.2009 kl. 19:07]

Hvernig færð þú út að meirihluti þjóðarinnar sé með ESB???er búið að gera könnun??ekki var ég spurður og margir aðrir líka voru ekki spurðir heldur.Maður er orðin helvíti leiður á þessari ESB elítu sem reynir að heilaþvo þjóðina en segja þjóðinni hvað fellst í aðild ESB annað en eiginhagsmuna áróður ..........fyrirtækja.Ég vill kosningar um það hvort fara eigi í viðræður og þá geta allir verið sáttir nema kannski ESB elítan því að ég hugsa að kosningar yrðu kolfeldar um aðild að ESB.

[Hans Haraldsson (IP-tala skráð) 2.5.2009 kl. 19:14]

Aðildarviðræður eru hluti af umsóknaferli sem heitir ekki umsóknarferli að ástæðulausu. Það að troða þjóðinni eða gabba inn í slíkt ferli, undi formerkjum séríslenskrar sjáum-hvað-við-fáum dellu, án þess að sækja umboð í þjóðaratkvæðagreiðslu er ekki lýðræði heldur lýðskrum. 

[Marteinn Unnar Heiðarsson, 2.5.2009 kl. 19:25]

Þetta kallast landráð ef á að fara í aðildarviðræður án þess að spyrja þjóðina áður

[Páll Blöndal, 2.5.2009 kl. 20:24]

Marteinn
Ef Alþingi greiddi atkvæði um hvort skuli sækja um eða ekki, þá held ég að það sé meirihluti fyrir því. Fylgjendur ESB aðildarviðræðna eru í öllum flokkum.
Landráð???? kíktu bara á 91.gr hegningarlaganna sem fjallar um landráð.

[Páll Blöndal, 2.5.2009 kl. 20:26]

Svala
Við verðum að vona að minnihlutinn nái ekki að kúga meirihlutann:
Vonandi förum við í aðildarviðræður

[Svala Jónsdóttir, 2.5.2009 kl. 20:32]

Marteinn - það er búið að gera fjöldann allan af könnunum varðandi afstöðu Íslendinga til ESB, árum saman.

Það er enginn tilgangur með því að greiða atkvæði fyrirfram um það hvort að fara eigi í aðildarviðræður. Fólk á að fá að kjósa um samninginn þegar hann liggur fyrir. Þá hefur það eitthvað raunverulegt til að kjósa um, en ekki bara áróður.

[Marteinn Unnar Heiðarsson, 2.5.2009 kl. 21:04]

Auðvitað á að kjósa um hvort farið er í viðræður eða ekki annars er það ekki lýðræði.Ef ég ætlaði að búa til her hérna á Íslandi og fara svo með fullt af ungu fólki eitthvað í stríð úti,ætti ég ekki að spyrja þjóðina að því áður??eða á ég fyrst að stofna herinn og skrá fullt af ungu fólki í hann og semja við hernaðaraðilana um hvað margt fólk ég get skaffað áður en ég mæti með mannskapinn???.Á Íslensku kallast þetta landráð og ekkert annað.SF vill gera þetta svona því þá losnum við ekki undan þessu aldrei bara einsog Norðmenn þeir fóru fyrst í viðræður en feldu svo í kosningum aftur og aftur og aftur skal kosið um þetta.Þið þetta fólk sem aðhyllist þessum landráðaflokki SF ættuð að hugsa aðeins frammávið en ekki einsog hestur í kappreiðum......

[Marteinn Unnar Heiðarsson, 2.5.2009 kl. 21:06]

Og eitt enn hver gerði þessar kannannir??? voru þær gerðar fyrir SF??ef ég ætlaði að gera könnun um eitthvað sem ég ætlaði að koma í gegn er mjög auðvelt að gera það svo útkoman yrði mér í hag.Sorry svona er það bara............

[Guðni J. Einarsson (IP-tala skráð) 2.5.2009 kl. 22:06]

Sæl Svala.

Þú byrjar þenna pistil á því að hald því fram að: "Meirihluti þjóðarinar vill aðildarviðræður við Evrópusambandið" Það virðist vera helstu rökin fyrir því að það eigi að fara beint í viðræður en svo segir þú: "Það er enginn tilgangur með því að greiða atkvæði fyrirfram um það hvort að fara eigi í aðildarviðræður"?!? Það má semsagt fara í aðildarviðræður vegna þess að ESB sinnar hafa lesið það út úr alþingiskosningunum að þjóðin hafi óbeint kosið um það en það er algjörlega tekið fyrir það að spyrja þjóðina bara beint. Getur verið að þið hafið ekkert alltof mikla trú á ykkar eigin aðferðarfræði við að rýna í kosningaúrslit?

[Páll Blöndal, 3.5.2009 kl. 00:41]

Sæl Dóra litla
Það eru skiptar skoðanir um þetta mál í öllum flokkum nema Samfylkingunni.
Margir innan hinna flokkanna vilja ganga til viðræðna.
Ég er nokkuð viss um að ef Alþingi greiddi atkvæði um hvort við ættum
að sækja um aðild að ESB, þá væri meirihluti fyrir því.
Meirihlutinn með, einhverjir hlutlausir og minnihluti á móti. 

[Marteinn Unnar Heiðarsson, 3.5.2009 kl. 10:02]

Þessir 63 menn á Alþingi eru ekki þjóðin,það á að kjósa um það hvort fara eigi í aðildarviðræður.....En það vill SF ekki þar sem hún veit að það er ekki meirihluti fyrir því að fara í ESB.Þetta eru landráð og ekkert annað,nú þarf að fara að mæta á Austurvöll og í þetta skiftið ekki með potta og tól til að búa til hávaða heldur eitthvað róttækara svo SF fari að skylja að hún ræður ekki.Nú er það mikið af fólki orðið atvinnulaust svo að fjöldinn gæti orðið ansi mikill og fátt sem mundi stoppa hann ef hann færi af stað.Hvenær ætlið þið þetta lanráðafólk að opna augun og skylja að ESB bjargar ekki heimilunum núna þó að SF segi það enda er SF að vinna fyrir ........fyrirtækin sem borga líka brúsan hjá SF og sennilega Gylfa hjá ASÍ líka....

[Svala Jónsdóttir, 3.5.2009 kl. 19:25]

Um hvað á fólk að kjósa? Hræðsluáróður ESB andstæðinga? Tröllasögur um það hvað er kannski og kannski ekki í boði í aðildarviðræðum?

Tvöfaldar kosningar eru tilgangslausar. Þegar kominn er samningur á borðið er komið eitthvað áþreifanlegt, sem hægt er að kjósa um. Ekki fyrr.

[Svala Jónsdóttir, 3.5.2009 kl. 19:29]

Dóra: Ég var ekki síst að vísa í Gallup kannanir sem hafa ítrekað sýnt stuðning meirihluta þjóðarinnar við aðildarviðræður, nú síðast í febrúar á þessu ári þegar 64% voru fylgjandi en 28% andvíg. Það hefur verið meirihluti fyrir aðildarviðræðum í þessum könnunum árum saman.

http://www.mbl.is/mm/frettir/esb/2009/03/08/flestir_vilja_adildarvidraedur/

[Hans Haraldsson (IP-tala skráð) 3.5.2009 kl. 19:50]

Eins skemmtilegt og það er sýna kannanir þar sem spurt er um umsókn meirihluta andvígan en þær þar sem spurt er um aðildarviðræður meirihluta fylgjandi.

Mér þykir það nú frekar styrkja málstað okkar sem viljum fá úr málum skorið í þjóðaratkvæðagreiðslu.

Annars er það ekkert leyndarmál hvað felst í aðild og það kemur engin stórisannleikur út úr umsóknarferli. Einungis upptalning á sáttmálum sem Ísland gerist aðili að, torskilinn inngöngusamningur (ath. ekki sama og aðildarsamningur) og fleira í þeim dúr. Málið verður enn flókið og þeir sem ekki vilja kynna sér það sjálfir munu enn þurfa að hlusta á málflutning þeirra sem hafa gert það sem verður alltaf litaður af þeirri afstöðu sem þeir mynda sér.

Ef ESB legði sjáum-hvað-við-fáum skilning í umsóknarferlið þá myndu það væntanlega taka við viðræðumsóknum. Það tekur hinsvegar bara við aðildarumsóknum.

[Marteinn Unnar Heiðarsson, 3.5.2009 kl. 20:54]

Get ekki verið meira sammála þér Dóra

[Svala Jónsdóttir, 4.5.2009 kl. 10:10]

Ef innganga í ESB hefur svona gríðarlega ókosti í för með sér, af hverju óttist þið þá það að leyfa þjóðinni að kjósa um þann samning sem við getum fengið?

 Af hverju viljið þið koma í veg fyrir að farið verði í aðildarviðræður? Óttist þið að samningurinn verði betri en þið haldið fram?

Ef samningurinn verður jafn slæmur og Dóra segir, verður hann felldur. Það er nóg að hafa eina atkvæðagreiðslu til þess.

[Svala Jónsdóttir, 4.5.2009 kl. 18:42]

"Ef samningurinn verður felldur, þá stendur samt alltaf eftir umsóknin ekki satt? "

Og hvað? Skaðar það Ísland á einhvern hátt að hafa sótt um? Skaðar það Norðmenn að hafa sótt tvisvar um?

[Marteinn Unnar Heiðarsson, 4.5.2009 kl. 20:15]

Svala Norðmenn sóttu bara um einusinni og reyndu að kynna þér málin betur,en þar sem þeir sóttu um einusinni losna þeir ekki við þessa ESB mafíu af bakinu á sér og því skal kosið um ESB í hvert skifti sem kosið er í Noregi og svo ef slysaðist til að samþykkt yrði þá yrði aldrei kosið um það aftur.....

[Svala Jónsdóttir, 4.5.2009 kl. 23:07]

Noregur sótti um aðild að Efnahagsbandalagi Evrópu árið 1963. Norðmenn greiddu þjóðaratkvæði um inngöngu í bandalagið 1972 og síðan aftur árið 1994. Í bæði skiptin var aðild felld.

Þjóðaratkvæðagreiðsla um aðildarviðræður sem enginn veit hvað kemur út í er út í hött. Fólk mun greiða atkvæði um eitthvað sem það giskar á að sé satt. Þjóðaratkvæðagreiðsla um aðildarsamning sem er fastur í hendi er mun raunhæfari.

Reyndar segja nýjustu fréttir af stjórnarmyndun að VG sé að falla frá tvöfaldri atkvæðagreiðslu og það er vel.