Skýr skilaboð

Samfylkingin þarf af senda skýr skilaboð út í samfélagið eftir landsfundinn hér í Smáranum um helgina. Brýnasta verkefni okkar allra er að endurvinna traust á íslenska hagkerfinu og koma á efnahagslegum stöðugleika. Það verður að mínu mati ekki gert án þess að við lýsum því yfir að Ísland stefni að aðildarviðræðum við Evrópusambandið og upptöku evru.

Í aðdraganda bankahrunsins kom það skýrt í ljós að upplýsingaflæði skorti á milli ráðuneyta og ríkisstofnana. Við þurfum að draga lærdóm af þessu og koma í veg fyrir að sagan geti endurtekið sig. Tillögur sem liggja fyrir landsfundi Samfylkingarinnar um efnahagsmál eru skref í rétta átt.

Samfylkingin þarf einnig að senda skýr skilaboð um þá stefnu sem flokkurinn hyggst fylgja í ríkisfjármálum. Við þurfum að vera rödd skynseminnar í skattamálum og fullvissa almenning um það að Samfylkingin muni standa gegn öfgum í skattheimtu, jafnframt því sem hún stendur vörð um velferðarkerfið.

Eitt ráðuneyti efnahagsmála

Athugasemdir

[Anna (IP-tala skráð) 29.3.2009 kl. 19:21]

Hvað áttu við með öfgum í skattamálum?

[Svala Jónsdóttir, 30.3.2009 kl. 22:48]

Til dæmis hátekjuskatt á tekjur sem eru í raun bara meðaltekjur og eignaskatt á íbúðarhúsnæði með mjög lágum eignarmörkum, eins og hann var áður en hann var lagður niður.